SIYOSIY-MA’RIFIY SOATLAR — XODIMLARNING SIYOSIY, MA’NAVIY VA MA’RIFIY SAVODXONLIGINI OSHIRISH, ULARNING DUNYOQARASHI VA FUQAROLIK MAS’ULIYATINI MUSTAHKAMLASHGA XIZMAT QILADIGAN MUHIM OMILDIR.
Siyosiy-ma’rifiy soatlar — xodimlarning siyosiy, ma’naviy va ma’rifiy savodxonligini oshirish, ularning dunyoqarashi va fuqarolik mas’uliyatini mustahkamlashga xizmat qiladigan muhim omildir.
📍 Samarqand viloyati Qurilish va uy-joy kommunal xo‘jaligi bosh boshqarmasida navbatdagi siyosiy-ma’rifat soati o‘tkazildi. Unda xodimlar joriy hafta davomida mamlakatimiz va xorijda ro‘y bergan eng muhim siyosiy-ijtimoiy voqealar haqida batafsil ma’lumotlarga ega bo‘ldilar.
📚 Shu bilan birga, bosh boshqarmada O‘zbekiston Respublikasi Konstitutsiyasining 33 yilligi munosabati bilan ma’naviy-ma’rifiy tadbir ham tashkil etildi. Unda Konstitutsiyamizning yangi tahrirda qabul qilinishi, undagi asosiy tamoyillar, fuqarolar huquq va erkinliklarini mustahkamlashga qaratilgan islohotlar, ularning qurilish sohasi va aholi hayotidagi ijobiy ta’siri haqida keng tushuntirishlar berildi.
✍️ Bosh boshqarma xodimlariga Konstitutsiyaga kiritilgan o‘zgartirish va yangilanishlarning mazmun-mohiyati yoritib berildi. Huquqiy savodxonlikni oshirish maqsadida xodimlar o‘rtasida test sinovlari o‘tkazildi. Test savollarida umumiy huquqiy bilimlar bilan bir qatorda soha yo‘nalishiga oid mavzular ham qamrab olindi.
🇺🇿 Shuningdek, bosh boshqarma binosida “Konstitutsiya burchagi” tashkil etilgan bo‘lib, unda Asosiy qonunning yangi tahriri, sharhlar, targ‘ibot materiallari va ko‘rgazmalar joylashtirilgan. Bu burchak xodimlarning huquqiy bilimini oshirish, Konstitutsiya normalarini chuqurroq o‘rganishiga xizmat qilmoqda.
✅ Mazkur siyosiy-ma’rifiy tadbirlar xodimlarning huquqiy madaniyatini yuksaltirish, Konstitutsiyaga hurmat va sadoqat tuyg‘usini mustahkamlash, siyosiy jarayonlar bo‘yicha muntazam xabardorligini oshirishga xizmat qildi.
