SAMARQAND VILOYATI QURILISH VA UY-JOY KOMMUNAL XO‘JALIGI BOSH BOSHQARMASINING BIR GURUH XODIMLARI TAQDIRLANDI
Samarqand viloyati Qurilish va uy-joy kommunal xo‘jaligi bosh boshqarmasining bir guruh xodimlari taqdirlandi
Davlatimiz rahbarining 2017-yil 7-avgustdagi "O‘zbekiston Respublikasi qurilish sohasi xodimlari kunini nishonlash to‘g‘risida"gi farmoniga asosan har yili avgust oyining ikkinchi yakshanbasi “Qurilish sohasi xodimlari kuni” sifatida keng nishonlanadi.
Shu munosabat bilan Samarqand shahridagi “Moʻjiza” bazmgohida bayram tadbiri tashkil etildi. Unda soʻz olgan viloyat hokimi vazifasini bajaruvchi Adiz Boboyev soha xodimlarini kasb bayrami bilan tabriklab, Yangi Oʻzbekistonning yangicha qiyofasini yaratish, aholini har tomonlama qulay infratuzilma asosidagi arzon va sifatli uy-joylar bilan taʼminlash, mamlakatda amalga oshirilayotgan ulkan qurilish-bunyodkorlik ishlarida jonbozlik koʻrsatish borasida quruvchi-muhandislar samarali mehnat qilayotganligini taʻkidladi.
Tadbir davomida qurilish sohasida matonat va fidoyilik ko‘rsatib mehnat qilib kelayotgan bir guruh soha vakillariga, jumladan, Samarqand viloyati Qurilish va uy-joy kommunal xo‘jaligi bosh boshqarmasi boshlig'i hamda faol xodimlariga viloyat hokimligining maxsus tashakkurnomasi va esdalik sovg’alari topshirildi.
