IJTIMOIY SOHA OBYEKTLARIDA OLIB BORILAYOTGAN QURILISH ISHLARI MUHOKAMA QILINDI
Ijtimoiy soha obyektlarida olib borilayotgan qurilish ishlari muhokama qilindi
Bugun viloyat hokimining o‘rinbosari Navro‘zjon Rahmonov rahbarligida viloyat Qurilish va uy-joy kommunal xo‘jaligi bosh boshqarmasida yig‘ilish bo‘lib o‘tdi. Unda sohaga aloqador tashkilot rahbarlari va pudratchi qurilish tashkilotlari vakillari ishtirok etdilar.
Yig‘ilishda davlat dasturlari doirasida barpo etilayotgan va rekonstruksiya qilinayotgan ijtimoiy soha obyektlari, jumladan, maktablar hamda maktabgacha ta’lim muassasalarida olib borilayotgan qurilish-montaj ishlari holati muhokama qilindi.
Yig‘ilish yakunida, ishlarni belgilangan muddatlarda va yuqori sifat darajasida bajarilishini ta’minlash yuzasidan aniq topshiriqlar berildi. Shuningdek, mazkur masalalar kelgusida ham muntazam ravishda muhokama qilib borilishi belgilandi.
